Писатели детям.

 

                                               
                                               Тигiр хуры

Чайғыда, айас туста,

Ізiтче кӱннiң чылии.

Чахайахтар чарыпча,

Кӧрiнче чирнiң сiлии.

Чил кинетiн ағылар

Пулуттар ӱстӱңзер.

Сурнахтар тоғланар

Кинетiн чирлерзер.

Сарығ, кӧк, хызыл чоллар

Хоосталыл парарлар.

Тигiрдең тӱзiп олар,

 Чарыхнаң ойналар.

Кӧрерге сiлiг чоллар

Чайғыдағы чазыда.

Сурнахтарнаң ойналар,

Пасха чирзер парғанча.

                             (А. Тартыгашев)

                                       Пар миiң адайах

Пар миiң адайах,

Пар миiң адайах.

Ады аның – Мухтарах,

Уға хыйға адайах.

Ап-ап, адайағым,

Ап-ап, хыйғаҷағым.

Ады – Мухтарах,

Иптiг адайах.

                            (И. Боргояков)

Сығырайлар

Сығырайлар, сығарайлар -

Ааллап килдi абахайлар.

Одырчалар огородта

Чалаас, хар даа чох ағаста.

Кӧрчем кӧзенек ӧтiре,

Аалҷыларыма ӧрiне.

Тамахтарны хахлапчалар,

Тумзухтарын чысхлапчалар.

Хайдағ ачыныстығ олар!

Хызыл киптiг туңмаҷхтар,

Килiңер минзер кӱннiң дее,

Азым тоозылбас пiр дее.